Azoka japoniarrera egin dugun bisita amesgaizto bilakatu zaigu. Sugandila errugabe batek, saltsa kutsatu batek eta asmakuntza zoro batek giltzapetuta utzi gaituzte komiki baten orrialdeetan, eta badirudi ezinezkoa dela ihes egitea. Hizketan dakien su bat, katubus bat eta txorimalo jostari bat izango ditugu bidaide... Baina ez dago denbora galtzerik. Arriskuan dago mundu osoa. Zatoz gurekin eta lagundu hondamena eragozten!

Jaiotzetik izan da bihurria Izaro, nire ahizpa ttikia. Beti kopeta zimur-zimur eginda begiratzen zidan ibiltzen ikasi aurretik. Nirekin beti haserre balego bezala. Zer uste du horrek ? Egunen batean eman beharko diot eskarmenturen bat.

Kaixo! Onin naiz eta Erik izeneko neba txiki bat dut. gehien gustatzen zaiguna lagunekin ondo pasatzea da, eta abentura sinestezinak bizitzea.
Etorri nahi zenuke gurekin Urdaibairen bihotzean dagoen uharte mortu batera? izaki mitologikoak ezagutuko dituzu, eta itsasgizon zahar bat, eta baita mapa sekretu bat ere. Igo zaitez gure itsasontzira eta lagundu piraten altxorra bilatzen!

ZURITXO, GURE ARDIA, OSO GAIXO DAGO. BIZKOR IBILI BEHARKO DUGU SALBATU NAHI BADUGU. EDABE BAT EGITEKO OSAGAIEN BILA ABIATUKO GARA, EA HORREK SENDATZEN DUEN. SORGINEN HERRIRA BIDAIATUKO DUGU, ETA IZAKI MISTERIOTSU BATI EGINGO DIOGU AURRE. GARAIZ IRITSIKO GARA?
ZATOZ GUREKIN! ELKARREKIN, LORTUKO DUGU!

IRITSI DIRA OPORRAK! BAZEN GARAIA! MENDEAK IGARO DIRA MORTINA ETA BERE FAMILIA AZKEN ALDIZ OPORRETAN EGON ZIRENETIK! HELMUGA: VILLA LORETSU, IZEKO MEGUERA ETA LEHENGUSU DILBERTEN ETXEA.
BAINA ATSEDENAK GUTXI IRAUTEN DU:
HALA-HOLAKO BUROKRATA BATEK VILLA JENDERIK GABE DAGOELA ETA ENKANTERA ATERA BEHAR DUELA JAKITEN DU MORTINAK.
LORTUKO OTE DU BERANDUTU BAINO LEHEN HURA SALBATZEKO IRTENBIDEREN BAT AURKITZEA?

Mortina neskatoa da, baina ez besteak bezalakoa: neska zonbia da.

Villa Dekadenten bizi da izeko Angustias eta beti berarekin dabilen Betilunekin, bizirik edo hilda dagoen jakitea zaila den txakurrarekin batera. Mortinak bere adineko lagunak izan nahiko lituzke, haiekin jolastu eta ondo pasatzeko, baina izekok ez dio uzten besteen aurrean agertzen; izan ere, jendea ikaratuko luke.

Halako egun batean ezusteko aukera du: Hallowen jaia! Mortinak ez du mozorrorik behar... Baina zer gertatuko da gainerako umeak Mortinak mozorrorik ez daramala jabetzen direnean

Mortina ganbarara igo da lagunekin, Halloween ospatzeko jantzi aproposen bila. Gurasoek idatzitako postala topatzen du bertan.
Haien berri izan zuten azken aldian bidaia luze batean abiatuak ziren, baina ez dira harrezkero inoiz itzuli. Non ote daude?
Haiek non dauden jakin nahi dutenez, ikertzaile lanetan murgildu eta fantasia baliatuko dute. Betilun erbi-txakur fidelak, Dilbert
lehengusuak eta Mortinaren lagun guztiek ekingo diote haren aita eta amaren bilaketari...
Aurkituko ote dituzte? Nazioartean arrakasta itzela lortu duen neskato zonbiaren abentura berri bat. Jada hogeita hamar herrialdetan
argitaratu dituzte Mortinaren ibilerak

Sar zaiztez Mortinaren munduan eta ikasi hura bezala jantzi eta makillatzen.etxekoandre edo etxekogizon zonbi perfektua izaten eta hotzikarak sortzen dituzten txisteak kontatzen. Moztu kalabaza bat, apaindu zure logela eta gonbidatu lagunak. Eta txirrina uluka hasten denean... ZURE BELDURREZKO JAIARI HASIERA EMATEKO UNEA IZANGO DA!!

Kaixo! Bat Pat naiz. Ileak lazteko moduko istorio bat kontatuko dizuet... Prest ahal zaudete?
Baduzue sirenen berri? Kondairaren araberan, abesten dutenean marinelak erakarri eta hondoratzeak eragiten dituzte...
Silver anai-arrebak eta ni Rhin ibaian gurutzaldian genbiltzan, baina itsasontziak istripua izan eta gero, gaua gaztelu batean eman behar izan genuen Lorelei sirena itzuli egin zela eta... Leorekin ezkontzeko asmoz zebilela! Lagundu!

KAIXO! ONIN NAIZ. ASPALDITIK IZAN DUT MITOLOGIAREN MUNDUAN BARNERATZEKO AMETSA. SEKULA EZ NUEN PENTSATUKO SARBIDEKO ATEA ETXETIK HAIN GERTU EGONGO ZENIK, INGURATZEN GAITUZTEN MENDIETAN;
ALUPAK, GURE LAGUN INUITAK, LAGUNTZA BEHAR DU. HAREN HERRIA ARRISKU LARRIAN DAGO, ETA MARI JAINKOSAK IZAN LEZAKE HARI LAGUNTZEKO GILTZA.
MARIRENGANA IRISTEA EZ DA ERRAZA IZANGO.
LEHENIK, USTEKABEKO PERTSONAIA BATZUEI EGIN BEHARKO DIEGU AURRE: HOR IZANGO DITUGU TARTALO, HERENSUGE, LAMINAK ETA BESTE.

Zuhara, lehorreko egonaldiaren ondoren, itsaz azpiko bere mundura dator berriz. Bertan du zain Balea Beltzaren klan osoa.

Bere botereak indartzeko asmoz, Perpetua sorginaren aholkuak beteko ditu Zuharak. Lehenik eta behin, ukendu bat erabiliko du gauero, eta, horrela, bere itsasoko jatorria ezagutuko du ametsetan. Horri esker, bere amari gertatu zitzaiona jakingo du apurka-apurkaà

Bitartean, Caer Ys hirian Udazkeneko Jokoen garaia da, eta Zuharak itsas azpiko beste hiri bat ezagutuko du, bestelako ohitura eta sinesmenak dituena. Hango biztanleak, ordea, ez dira Zuharaz fidatzenà

Sancho nire lagunik onena da eta, egunaren arabera, nire etsairik handiena. Bihurrikeriak egiten ere aditua da. Egun batean masillazko pilota jauzilariak egitea bururatu zitzaion. Eta pilota jauzilari erraldoia egitea ideia tentagarriegia da ez kasurik egiteko. Arazo bakarra zen masillarik ez geneukala... Nik ez nuen lapurtu nahi, ez naiz lapurra. Mutiko txintxo samarra naiz. Baina lapurreta plan eder bat egitea erakargarria zitzaidan. Gauzak, ordea, azkar korapilatu ziren... Nik esana nion Sanchori: LAPURTZEA OSO GAIZKI DAGO!

Errepidea segurtasunez zeharkatzea beste edozeren antzekoa da:
ikasi egiten da.
Hori da Miss Talentinok Simoni eta beste ikasleei esaten diena. Erakutsi ere erakusten die nola egiten den. Bain, tartean, ezberdintasun handi bat dago:
ikasgai hau gaizki ikasiz gero, pizza baten antzeko bihur zintezke.