41 NOUVEAUTES / BERRIKUNTZAK

KAIXO! ONIN NAIZ. ASPALDITIK IZAN DUT MITOLOGIAREN MUNDUAN BARNERATZEKO AMETSA. SEKULA EZ NUEN PENTSATUKO SARBIDEKO ATEA ETXETIK HAIN GERTU EGONGO ZENIK, INGURATZEN GAITUZTEN MENDIETAN;
ALUPAK, GURE LAGUN INUITAK, LAGUNTZA BEHAR DU. HAREN HERRIA ARRISKU LARRIAN DAGO, ETA MARI JAINKOSAK IZAN LEZAKE HARI LAGUNTZEKO GILTZA.
MARIRENGANA IRISTEA EZ DA ERRAZA IZANGO.
LEHENIK, USTEKABEKO PERTSONAIA BATZUEI EGIN BEHARKO DIEGU AURRE: HOR IZANGO DITUGU TARTALO, HERENSUGE, LAMINAK ETA BESTE.

Kaixo! Bat Pat naiz. Ileak lazteko moduko istorio bat kontatuko dizuet... Prest ahal zaudete?
Baduzue sirenen berri? Kondairaren araberan, abesten dutenean marinelak erakarri eta hondoratzeak eragiten dituzte...
Silver anai-arrebak eta ni Rhin ibaian gurutzaldian genbiltzan, baina itsasontziak istripua izan eta gero, gaua gaztelu batean eman behar izan genuen Lorelei sirena itzuli egin zela eta... Leorekin ezkontzeko asmoz zebilela! Lagundu!

ZURITXO, GURE ARDIA, OSO GAIXO DAGO. BIZKOR IBILI BEHARKO DUGU SALBATU NAHI BADUGU. EDABE BAT EGITEKO OSAGAIEN BILA ABIATUKO GARA, EA HORREK SENDATZEN DUEN. SORGINEN HERRIRA BIDAIATUKO DUGU, ETA IZAKI MISTERIOTSU BATI EGINGO DIOGU AURRE. GARAIZ IRITSIKO GARA?
ZATOZ GUREKIN! ELKARREKIN, LORTUKO DUGU!

IRITSI DIRA OPORRAK! BAZEN GARAIA! MENDEAK IGARO DIRA MORTINA ETA BERE FAMILIA AZKEN ALDIZ OPORRETAN EGON ZIRENETIK! HELMUGA: VILLA LORETSU, IZEKO MEGUERA ETA LEHENGUSU DILBERTEN ETXEA.
BAINA ATSEDENAK GUTXI IRAUTEN DU:
HALA-HOLAKO BUROKRATA BATEK VILLA JENDERIK GABE DAGOELA ETA ENKANTERA ATERA BEHAR DUELA JAKITEN DU MORTINAK.
LORTUKO OTE DU BERANDUTU BAINO LEHEN HURA SALBATZEKO IRTENBIDEREN BAT AURKITZEA?

Mortina neskatoa da, baina ez besteak bezalakoa: neska zonbia da.

Villa Dekadenten bizi da izeko Angustias eta beti berarekin dabilen Betilunekin, bizirik edo hilda dagoen jakitea zaila den txakurrarekin batera. Mortinak bere adineko lagunak izan nahiko lituzke, haiekin jolastu eta ondo pasatzeko, baina izekok ez dio uzten besteen aurrean agertzen; izan ere, jendea ikaratuko luke.

Halako egun batean ezusteko aukera du: Hallowen jaia! Mortinak ez du mozorrorik behar... Baina zer gertatuko da gainerako umeak Mortinak mozorrorik ez daramala jabetzen direnean

Mortina ganbarara igo da lagunekin, Halloween ospatzeko jantzi aproposen bila. Gurasoek idatzitako postala topatzen du bertan.
Haien berri izan zuten azken aldian bidaia luze batean abiatuak ziren, baina ez dira harrezkero inoiz itzuli. Non ote daude?
Haiek non dauden jakin nahi dutenez, ikertzaile lanetan murgildu eta fantasia baliatuko dute. Betilun erbi-txakur fidelak, Dilbert
lehengusuak eta Mortinaren lagun guztiek ekingo diote haren aita eta amaren bilaketari...
Aurkituko ote dituzte? Nazioartean arrakasta itzela lortu duen neskato zonbiaren abentura berri bat. Jada hogeita hamar herrialdetan
argitaratu dituzte Mortinaren ibilerak

Sar zaiztez Mortinaren munduan eta ikasi hura bezala jantzi eta makillatzen.etxekoandre edo etxekogizon zonbi perfektua izaten eta hotzikarak sortzen dituzten txisteak kontatzen. Moztu kalabaza bat, apaindu zure logela eta gonbidatu lagunak. Eta txirrina uluka hasten denean... ZURE BELDURREZKO JAIARI HASIERA EMATEKO UNEA IZANGO DA!!

Kaixo! Onin naiz eta Erik izeneko neba txiki bat dut. gehien gustatzen zaiguna lagunekin ondo pasatzea da, eta abentura sinestezinak bizitzea.
Etorri nahi zenuke gurekin Urdaibairen bihotzean dagoen uharte mortu batera? izaki mitologikoak ezagutuko dituzu, eta itsasgizon zahar bat, eta baita mapa sekretu bat ere. Igo zaitez gure itsasontzira eta lagundu piraten altxorra bilatzen!

Jaiotzetik izan da bihurria Izaro, nire ahizpa ttikia. Beti kopeta zimur-zimur eginda begiratzen zidan ibiltzen ikasi aurretik. Nirekin beti haserre balego bezala. Zer uste du horrek ? Egunen batean eman beharko diot eskarmenturen bat.

Azoka japoniarrera egin dugun bisita amesgaizto bilakatu zaigu. Sugandila errugabe batek, saltsa kutsatu batek eta asmakuntza zoro batek giltzapetuta utzi gaituzte komiki baten orrialdeetan, eta badirudi ezinezkoa dela ihes egitea. Hizketan dakien su bat, katubus bat eta txorimalo jostari bat izango ditugu bidaide... Baina ez dago denbora galtzerik. Arriskuan dago mundu osoa. Zatoz gurekin eta lagundu hondamena eragozten!

Kaixo! Onin naiz. Nire neba Erik eta biok abenturaz abentura ibiltzen gara beti. Gure azken balentriak Basajaunen basoraino eraman gintuen. Ez duzu sinetsiko zer gertatu zitzaigun. Jantz itzazu botak, oraingo honetan Gorbeiaren magalean galtzea dagokigu-eta. Ziurrenik entzuna izango duzu zerbait mendi magiko horri buruz, baina inoiz ez zenuke asmatuko zer-nolako sekretuak gordetzen dituen. Deskubritu nahi dituzu? Zatoz gure lagun-taldera!

Kaixo! Onin naiz, eta oraingoan gauza harrigarri bat kontatu behar dizut. Ez duzu sinetsiko: denboran bidaiatu genuen! Batzuetan, txango bat sekulako odisea bilaka daiteke. Makinista txoro baten eta haren lokomotor zaharraren erruz, Erdi Aroan agertu ginen. A ze sustoa! Jakin nahi duzu nola lortu genuen Oialdeko Alain gaiztoari ihes egitea eta orainaldira itzultzea?

Raina seigarren mailan dago, eta normala izan nahi du, besterik gabe. Baina, gau batez, eskauten bilera baten ondoren, estropezu egin eta ebakortzak hausten ditu. Ondorengo hilabeteak jasanezinak izango dira berarentzat: ebakuntza bat egin beharko diote, eta metalezko bracketak, buruko arku itsusi bat, baita hortz faltsuak ere jarriko dizkiote. Baina, hori gutxi balitz bezala, lurrikara batetik ôbizirik irtenö beharko du, eta lehenengo maitasun-harremanak eta zirudien bezain onak ez ziren adiskidetasunak gainditu.